09/06/2018 Ordenanza reguladora da corta e saca de madeira do Concello de Rábade
Comunicación previa
Para realizar traballos de corta de madeira, cun volume estimado superior a 8 t, en plantacións forestais do municipio de Rábade, será obrigatorio presentar nas oficinas municipais unha comunicación previa por escrito, cunha antelación mínima de 3 días.
O escrito será asinado pola empresa madeireira, debendo constar nel os seguintes datos (o Concello dispón de modelo normalizado):
- Datos identificativos da do propietario forestal e da empresa madeireira: denominación, NIF, enderezo, teléfono e nome e apelidos do responsable da empresa.
- Especie de madeira obxecto da corta e volume de madeira que se prevé extraer.
- Nome das fincas ou montes afectados, lugar e parroquia. Identificación en plano catastral
- Datas previstas de inicio e remate dos traballos.
- Vehículos e maquinaria a empregar nas operación de corta e saca.
- Lugar onde se depositará a madeira á espera da súa carga.
- Vías a empregar e data prevista para o transporte da madeira, incluíndo reportaxe fotográfica do estado previo das mesmas.
- Sistema previsto para a limpeza das vías públicas afectadas polas operacións de corta e saca de madeira.
- De ser o caso, fotocopia compulsada do permiso, autorización ou licenza de corta expedido pola autoridade competente.
- Fotocopia compulsada do seguro de responsabilidade civil e do último recibo pagado.
Fianza
No caso de que a empresa non dispoña de seguro de responsabilidade civil deberá constituír fianza en metálico ou aval bancario a prol do Concello na contía fixada polos servizos técnicos municipais.
Entrada en vigor: 11/06/2018.
Texto completo publicado no BOP nº 131 do 09/06/2018
Comentarios recientes